J' ai einne belle soeur alle passe deux heures tous les matins
A s' pomponner à s' maquiller dins l' salle de bains
Alle met du rouche du gris du noir et pis du vert
In dirot tout un indien su l' sentier d' la guerre

Avec tout l' couche ed peinture qu' alle met su s' figure
In pourrot arfaire les f' nêtes les portes et les murs
Et sans compter du rouche qu' alle met su ses dogts d' pieds
Et ses caveux qui cangent ed couleur sans arrêt

REFRAIN:
Quand alle vient et qu' alle m' embrasse
J' vous assure qu' alle laiche des traces
Em belle soeur
J' ai de l' peinture tout partout
Sur mes caveux dins min cou
Em belle soeur
Alle met tell' mint ed parfum
Qu' alle impeste les voisins
Em belle soeur
I paraît que ch' est d' famille
Ch'est comme cha ed mère in fille
Em belle soeur

Si j' vous disos tout c' qu' alle met dins sin sac à main
Ch' est du parfum du rouche à lèves et du fond d' teint
Quand alle debarque in dirot einne représentante
A elle toute seule ch' est einne parfumerie ambulante

In plus faut vir commint qu' alle s' habille ch' est d' un goùt
A tel point qu' alle se fait armarquer tout partout
Avec sin maquillache et s' n' allure et ses loques
Cha fait moitié clown cha fait moitié cache-à-loques

REFRAIN2:
In s' crorot au carnaval
Quand j' l' aperçois je m' cavale
Em belle soeur
Quand ches gins i parlent d' elle
I l' appellent l' aquarelle
Em belle soeur
J' l' ai aperçue un matin
Sans maquillage sans rien
Em belle soeur
Ej' vous assure qu' à côté
Frankenstein ch' est einne beauté
Em belle sœur